هل وضع الفتيس الأوتوماتيك على N في حالة التوقف لفتره قصيره صح أم خطأ؟؟

🚨في ناس معاها عربيات أوتوماتيك بمجرد ما يقفوا في زحمه لمدة ثواني يروح ناقل الفتيس من D ل N عشان يفصل الحركه و يريح الفتيس.. 🚨بص.. هي الفكره صح بس لما تقف فتره تتعدى دقيقه مثلاً لو واقف في إشارة او حتى زحمه و حاسس انك ممكن تطول فيها.. 🚨لكن ماشي في زحمه و الطريق بيتحرك و يقف كل ثواني و كل ما يقف تفصل الفتيس ده كده غلط و يضر معاك أجزاء الفتيس اكتر بكتير ما يفيد.. 🚨يعني كل اللي عليك في الأوتوماتيك إنك تدوس فرامل عادي و العربيه على D او لو عندك autohold شغال مافيش مشكله.. لكن تفضل N و بعدها D كل ثانيه ده غلط.. 🚨لو فتيس dual clutch ما عليك الا انك تدوس فرامل لحد الآخر و هو بيفصل الكلاتشات عن بعض بشكل تلقائي و انت في الأمان عادي.. 🚨بتوع ال dual clutch خاصةً لو جاف يفضل يفضلوا على manual في حالات الزحام و يغيروا على rpm منخفض عشان الفتيس ما يسخنش.. 🚨🚨🚨عايز تحافظ على الفتيس سواء أوتوماتيك او مانيوال او dual clutch أعمل صياناته في ميعادها و غير زيت و أتأكد من سلامة دورة تبريد عربيتك دايماً 😉👌🏼 تحياتنا ❤️❤️